Michelle Alexandre, advogada defensora dos direitos civis, desafia a ideia de o início da era Obama ter significado o final do racismo e o começo umha nova etapa de daltonismo social argumentando de maneira convincente que a enorme disparidade racial no castigo penal nos EUA non é apenas o resultado de umha acçom neutra do Estado senom a reestruturaçom, o redesenho, do sistema de castas raciais. O  aumento do encarceramento massivo,defende, abre umha nova frente na luita histórica pola justiça racial.
A potente denuncia de Michelle Alexandre da chamada Guerra contra a Droga que dizima as comunidades negras mostra o sistema de justiça penal estadunidense como um sistema de controlo permanente e deita nova luz sobre a profunda injustiça que tem lugar hoje nos EUA a partir de umha interrogante básica: Como foi o tratamento da comunidade negra ao longo da história? Primeiro a escrativitude, despois a legislaçom Jim Crow, a segregaçom, o terror do Ku Klux Klan, etc.  Hoje a brutalidade e o assassinato a maos da policía, a criminalizaçom ao por maior e o encarceramento em massa. A discriminaçom, conclui Alexander, foi legalizada e institucionalizada mais umha vez.
Hai traduçom para español: El Color de la justicia. La nueva segregación racial en Estados Unidos, Kadmos, Salamanca, 2014.