Policías españóis obrigaron no pasado fin de semana a retirar adhesivos co emblema da senyera a algúns vehículos de persoas da Catalunya Norte ao pasaren pola portaxe de Jonquera. Os propietarios dos vehículos, con placa francesa, mostráronse sorprendidos diante das inhabituais medidas dos axentes españóis. O xornal L’Independant, que informa dos feitos, recolle tamén os testemuños dalgunhas persoas afectadas que aseguran ser esta “a primeira vez” que se ven en tal situación.
No caso dun residente en Perpinyà, os axentes examinaron a documentación e, despois de inspeccionar o vehículo, pedíronlle tirar o distintivo. Como nun primeiro momento se negou, os axentes trouxeron unha navalla e obrigáronno a retiralo.
Os condutores están indigandos xa que, na Franza, o adhesivo é legal e non ven motivo ningún para ter de o retirar ao pasaren a fronteira.
Fonte: El nacional