Já dera conta nesta minha bitácora no ano passado da multa de 1500 € que o governo local da Marea Atlántica impugera a um “manteiro” por vender para-águas e sombreiros sem licência municipal. Agora, ao igual que naquela entrada, fágo-me eco do publicado polas minhas compas de “A Irmandade da Costa” ao respeito das novas 15 multas a esta gente que se está a busca-lo pam e a vida nas ruas da capital herculina (Lêr acá a notícia da “Irmandade”). Como dim as compas: Isto é indignante! 

Pero a repressom destas herois e heroínas salva-pátrias da pseudodemocracia nom têm miramentos só para coa gente mais débil da cadeia económica capitalista europeia e branquinha de pel,  tamém nom perde detalhe na continuaçom da perseguiçom de toda aquela que nom se mova á direita da sua beira (um espaço por descontado cada dia mais pequeno).

E assim tamém foi notícia estes dias a confirmaçom da multa a dois ativistas do Centro Social Gomes Gaioso por colar umha faixa na via pública, 400 € para cada quem em incumprimento da normativa “medioambiental” e da que tamém já dera conta nesta bitácora do apercebemento das mesmas. Como dim as compas do Gomes Gaioso foram multadas em base a uma normativa vigente em numerosos concelhos do País que restringe gravemente um direito fundamental básico. Uma normativa que privilégia os espaços de pagamento para a propaganda dos ricos e a marginalizaçom das pobres.

Sem mais nada novo baixo o sol (ou a chuva) no que respeita a estas novas vividoras das poltronas. Logo se queixarám de que há quem gosta de fixar-se em quanto fam para critica-las; mais nom miram que tenhem moi fácil a soluçom: deixar de ser tam repressores e pro-capitalistas como as outras forças que se dim demócratas e tamém participam ledas do pastel do dinheiro público.