As Forzas Armadas entrarán nas aulas de Primaria nun proxecto de 240 páxinas, conforme ao pacto acordado entre os ministerios de Educación e Defensa en decembro de 2015. Aínda que o proxecto arrancou naquela altura, os departamentos tardaron máis de dous anos en publicar o primeiro rascuño completo, que consta de 10 temas.
Capa da Unidade Didáctica elaborada polos ministerios de Defensa e Educación
Entre as actividades recollidas nesta unidade, destaca a proposta musical de cantar nas aulas o pasodoble de La Banderita ou que escoitar e marcar o compaso do himno da Armada. Esta última letra versa sobre a “gallardía española“.
“Por ti, Patria, por ti sola mi vida a los mares dí, por tí al peligro ofrecí mis obras y pensamientos ¡en la Rosa de los Vientos me crucifico por tí!“, é parte do fragmento que recolle este guía e que o alumnado de Primaria terá de escoitar ao tempo que traballa sobre un musicograma. “Hay que morir o triunfar, que nos enseña la Historia en Lepanto la Victoria y la muerte en Trafalgar”, recolle tamén este himno.
Fragmento da letra do himno da Armada incluído nunha actividade
Doutra banda, o pasodoble que se incorpora nesta unidade didáctica tamén versa sobre o sentimento patriótico. “El día que yo me muera si estoy lejos de mi patria, solo quiero que me cubran con la bandera de España“, é parte da estrofa sobre a que proxectan que se marque o “compaso con paso de marcha”. Nesa actividade pretenden alumnas e alumnos cheguen a formar “una bandera de España” levantándose a colocar un tapón vermello ou amarelo no centro do círculo.
“A Policía Nacional, a Garda Civil e as policías autonómicas velan para que os delincuentes e terroristas non poñan en perigo os nosos dereitos”, detalla o Executivo sobre este contido escolar, “as Forzas Armadas actúan para evitar os riscos e as ameazas á nosa seguranza que se orixinan no exterior ou en circunstancias excepcionais”.
Unha actividade sobre o pasodobre da banderita incorporado nas unidades de Primaria que elaborou Educación e Defensa
En 2015 no acordo asinado polo exministro Pedro Morenés e Íñigo Méndez de Vigo apuntaron “que a posta en marcha do currículo das materias de Valores Sociais e Valores Éticos, requiriu o desenvolvemento dos seus contidos” para profesores e estudantes para así contribuíren “a mellorar o coñecemento que os menores e mozos teñen sobre a seguranza da defensa de España”.
Contodo, agora o Ministerio de Defensa esclarece que este contido non vai ser incorporado de forma obrigatoria no temario destas materias. “É unha suxestión de proposta para que os centros, se o estimaren oportuno, utilicen para semanas temáticas que versen sobre as Forzas Armadas ou apoien o contido de Valores”, apuntan fontes do Ministerio. Pola súa banda, desde o departamento de Méndez de Vigo non se pronunciaron sobre este asunto.
O Centro Nacional de Innovación e Investigación Educativa (CNIIE), organismo dependente de Educación, foi o encarregado de elaborar estas unidades didácticas. Tamén están a traballar nun contido para os estudantes de Secundaria.
Ademais, prevén explicar aos mozos en que consiste a Unidade Militar de Emerxencias (UME) e cal é o seu papel nas Forzas Armadas como un elemento que apoia as administracións e os cidadáns “en situacións especiais: seguranza, catástrofes e incendios”.
Algúns dos contidos que recolle este acordo xa estaban contemplados nas materias deseñadas pola LOMCE como alternativas á Relixión, Valores Éticos (Secundaria) e Valores Sociais e Cívicos (Primaria). Segundo explicaban no documento, estes dous ministerios queren que con estas medidas os mozos adopten unha “posición activa” e se incentiven os estudos de investigación sobre temas de seguranza e defensa.
O dez unidades do Coñecemento da Seguridade e Defensa en Primaria
Os soldados e os mariñeiros. O meu equipo
A defensa ao servizo da paz no mundo
Ameazas que poñen o perigo os nosos valores
Non teño medo, protéxenme
Os símbolos nacionais
Traballan para axudarme Imos de misión!
As Forzas Armadas e forzas e corpos de seguranza de España
Laura Galaup / Raúl González
Fonte: El Diario