OBSERVATORIO PARA A DEFENSA DOS DIREITOS E LIBERDADES
Select Page
A OBRA INCLÚE UNHA VINTENA DE 'PRESOS POLITICOS'
Feira Arco de Madrid censura obra que denuncia existencia de presos políticos no Estado español
21/02/2018
A feira de arte Arco de Madrid retirou a obra do artista Francisco Sierra que recolle os rostros pixelados de Oriol Junqueras, Jordi Sánchez, Jordi Cuixart e unha vintena máis de persoas presas para denunciar a existencia de presos políticos no estado español. Así foi confirmado pola organización. O argumento é que queren ‘evitar polémicas’. Fíxoo a petición de Ifema, a Feira de Madrid, formada pola Comunidade de Madrid, o Concello de Madrid, a Cámara de Comercio e Industria e a Fundación Obra Social e Monte de Piedad de Madrid. A obra non puido ser visitada porque hoxe precisamente era o día que abría ao público a feira
A obra tamén inclúe outras persoas presas políticas como os xovens de Altsasu, os marionetistas de Madrid encarcerados no 2016, directivos de Egin ou simpatizantes do 15-M que participaron en piquetes informativos da greve xeral do 29-M no 2012, acompañados dunha breve lexenda que explica cada caso e que, embora non se publique a súa identidade, son facilmente identificábeis.
O artista é Santiago Sierra, que no pAsado 2003 foi o representante español na bienal de Veneza, onde a súa montaxe levantou polémica porque requería o documento de identidade español para entrar no pavilllón. E no 2010 foi recoñecido co Premio Nacional de Artes Plásticas, ainda que rexeitou o galardón e a dotación económica que o acompañaba (30.000 euros) argumentando que non quería perder a liberdade.