Os feitos denunciados

“Un recluso do Centro Penitenciario Teixeiro denunciou o 9 de agosto de 2016 que, após un altercado verbal cos funcionarios de prisión no decurso dunha inspección da súa cela, o grupo de funcionarios da prisións encarregados das inspeccións abandonou a cela e entrou no patio. Desde alí asperxiron a súa cela cun spray de pementa . Posteriormente, levárono a unha cela vacía onde lle propinaron puñadas e bateron nel con porras por todo corpo. A continuación, mantivérono espido durante unhas 36 horas fixado boca abaixo, sen poder acceder a un cuarto de baño durante toda a aplicación da medida. Obviamente, fíxo as súas necesidades encima. Ademais, non lle deron nada para comer durante o período de suxeición mecánica”. Un relato que, a xuízo do CPT do Consello de Europa debe ser calificado como provisto de credibilidade e portanto incorporado ao apartado do seu relatorio en que se describen (páxina 34, apartado 44) feitos similares acontecidos en diferentes Centros Penitenciarios.

Como ven sendo habitual nestes casos, a resposta evacuada polo Reino de España  -Secretaría de Estado de Seguranza , na páxina 17-  fai recaer sobre o interno a responsabilidade do incidente, sen mencionar en ningún momento as lesións padecidas polo penado nin referir eventuais dilixencias de investigación contraditorias elaboradas pola Institución Penintenciaria.  Non hai portanto indicios obxectivos que disipen a credibilidade que o propio CPT conferiu ao relato dos feitos ouvido directamente en entrevista co penado H.A.