Documentário de la ‘Directa’ e a ”Agència UO’

É um retrato de momentos diferentes que forom vividos na rua: tanto de alegria e celebraçom, como de indignaçom. Além das imagens de repressom que alagarom as redes, o documentário, tenta aproximar-se das motivaçons da xente que decidiu defender o referendo mediante a resistência nom violenta.

 

 

O relato comeza às quatro da manhá na escola Concepçom do Eixample, onde hai vizinhos acampados para evitarem a entrada da polícia, e relatam como forom os preparativos durante as semanas anteriores. No momento de abertura da sede eleitoral já está cheia a praça situada diante do colégio, onde se respira umha clara expectaçom. Será um dia longo, com nervos mais também festivo, baixo a chúvia.

Pouco despois o ambiente vira: somos testemunhas do assalto à escola Ramon Llull por parte da polícia nacional espanhola. As imagens son duras e mui violentas. Membros da mesa eleitoral explicam como viverom a entrada da polícia à caçada das urnas e as papeletas. Também intervenhem testemunhas agredidas pola polícia nacional quando dispararom bolas de borracha aos manifestantes e observadores internacionais que nom ocultam o seu rejeitamento.

As cámaras também passam polo Hospital de Mar para escuitar as persoas que forom ingressadas polas feridas recebidas de golpes de porretes na escola Mediterrània. Com muita dignidade e ainda em estado de shock, descrevem as cenas de violência vividas.

Ao longo do dia, paramos em diferentes pontos de votaçom nos distritos do Eixample e Sant martí, onde recolhemos opinions e anedotas na rua. Som pequenas histórias com gentes diversas que participarom num processo defendido desde abaixo.

A incorporaçom de fragmentos de áudio com declaraçons das autoridades evidencia o foxo entre a realidade vivida na rua e a versom ‘oficial’ dos feitos.

O primeiro dia de Outubro quer aproximar a celebraçom de umha jornada histórica com testemunhos directos.

O vídeo incorpora imagens da Agència UO, que foi criada para cobrir o referendo por todo o territorio. Participarom mais de 80 persoas de colectivos, associaçons, cooperativas e entidades, ou a título individual.

O primeiro dia de Outubro remata onde começou: na escola Concepció do Eixample.

Fonte: La Directa