O secretario da Unión de Oficiales de la Guardia Civil (UO), Juan Ramon Manzanares, publicou na pasada cuarta-feira un chio en que fala en ton irónico sobre a agresión dun policía español ao xornalista Jordi Borràs, no pasado mes de xullo. “O feitizo do xornalista virouse contra o feiticeiro”, di o garda civil sobre Borràs, ao que chama de “trolete”.
O xornalista denunciou estas palabras, acompañando a mensaxe de Manzanares cun “todo en orde”. Pouco despois, foi o propio presidente da Generalitat, Quim Torra, quen ceretificou a burla de “intolerábel” e asegurou que pedirá explicacións á Garda Civil.
O comentario do membro da Benemérita provocou a reacción doutros usuarios que lle reprocharon xustificar un acto de violencia e ainda máis tratándose dun axente dun corpo de seguranza pública. As respostas de Manzanares continuaron na mesma liña.
Esta non é a primeira polémica que levanta no Twitter este axente da Garda Civil. Pouco despois do ataque fascista na praza de Vic, onde un home entrou a toda velocidade cun automóvel para esnaquizar as cruces amarelas que alí había, o polícia suxería que tiña de o ter feito con “unha escavadora ou un limpa-neves” para abranxer “máis espazo”.