A Comisión do turno de oficio de Baltimore denunciou que os 30 segundos descartados dun vídeo grabado por un policía (Richard Pinheiro) mostran o axente colocando unha prova falsa: unha bolsa con droga que deposita nun montón de lixo en presenza de dous compañeiros do corpo. Despois a cámara acompaña a saída do lugar dos tres policías por unha ruela estreita e, a partir do segundo 31, momento en que o Richard Pinheiro acende a cámara, vemos que fan o traxecto en sentido contrario. Os tres axentes chegan novamente xunto ao montón de lixo onde fora depositada a droga e a cámara mostra como o protagonista do “achado” recolle a lata de sopa en cuxo interior metera a bolsa e extrae a droga.