Pasaron apenas seis anos desde que, no 24 de abril de 2012, o director xeral dos Mossos d’Esquadra autorizou a publicación da páxina web a que se deu o nome “Colaboraicón cidadá contra a violencia urbana”, con 231 fotografías e tres vídeos, onde aparecen 68 persoas -incluídas algunhas menores de idade-, alegadamente implicadas nos incidentes que tiveron lugar durante a greve xeral do 29 de marzo de 2012. Despois dun périplo por diferentes instancias xudiciais, finalmente o Tribunal Supremo avala este web de delación que impulsou o que na altura era Conseller d’Interior Felip Puig. O avogado Benet Salellas, que levaba o caso en representación dunha das persoas que aparecen nas imaxes, asegura que recorrerán a decisión no Tribunal Constitucional.
Ainda que através dun formulario anónimo, calquera persoa podía achegar información sobre as identidades das persoas sinaladas no web do Departamento de Interior, o Supremo nega que iso vulnere dereitos fundamentais como o da propia imaxe, a honra e a intimidade. Na sentenza 41/2018, con data do 26 de xaneiro, a Sala Primeira especifica que estes dereitos fundamentais “non requeren dunha autorización xudicial previa para que a súa restrición sexa lexítima”. Ao mesmo tempo descarta que a publicación ds fotografías fose unha medida desproporcionada, xa que os feitos da greve “provocaron unha grande alarma social, pola destrución de bens públicos e privados incluídas lesións a persoas, e polo carácter tumultuoso e multitudinario”.
O feito de expor o rostro de 68 persoas xerou un amplo rexeitamente e finalmente, ao cabo dun mes de funcionamento, Interior fechou o web, subliñando que ficaba en hibernación e que podería voltar a ser activado.
Desde o comezo, cando interpuxemos a denúncia, explica o letrado Benet Salellas, tivemos claro que, se for preciso, chegaríamos a organismos internacionais. O obxectivo do procedemento, que co Tribunal Constitucional esgotaría as instancias xudiciarias españolas, é evitar que podan ser creadas ferramentas “desproporcionadas, sen control e que afectan a privacidade das persoas”. Salellas insiste que “os dereitos das persoas han de ser respectados alén de se, finalmente, acaban tendo relación cuns feitos delituosos ou non”.
O feito de expor o rostro de 68 persoas xerou un amplo rexeitamente e finalmente, ao cabo dun mes de funcionamento, Interior fechou o web, subliñando que ficaba en hibernación e que podería voltar a ser activado caso for preciso. As críticas disparáranse desde moitas frontes: Xuíces pola Democracía, a Associació Catalana per la Defensa dels Drets Humans, o Col·legi de Periodistes i d’Advocats e o Sindic de Greuges pediron a retirada por considrar que podería vulnerar dereitos relacionadas coa propia imaxe e a presunción de inocencia. Precisamente, o Supremo, para xustificar a “proporcionalidade” da medida, argumenta que a publicación foi feita de maneira “restrinxida, no web policial” e “por un tempo moi limitado (um mes)”.
“Damos a cara”
Finalmente, através do web, foron “identificadas” 22 persoas. Tres -um membro da Coordinadora Obrera Sindical (COS) e dous militantes de Arran-, iniciaron a campaña Damos a cara en nombrembro do 2016. Foran requeridos pola policía a someterse a unha reportaxe fotográfica, mais a defensa conseguiu que a Audiencia Provincial o impedise. Contodo, nunha segunda ocasión, deu a razón al xulgado de instrución e voltaron ser requeridos para que aceptasen facer probas biométricas. Para o avogado Eduard Cáliz, que defensa as activistas, o aval do Supremo ao web de delación, “supón un paso máis na política estigmatizadora e criminalizadora cara a todo o representa un desafío ao actual modelo económico, social e nacional”.
Xavier Muñoz, de Arrels Advocats e letrado dunha das persoas procesadas a partir do web, alerta do perigo de lanzar imaxes sen estaren validadas xudicialmente. Muñoz acrecenta que as información achegadas de forma anónima poden estar “viciadas” e ser “malintenciondas”. O web, para o avogado, non é unha ferramenta válida nun procedemento xudicial, como aconteceu no caso do seu cliente que finalmente foi absolvido. No entanto, durante un mes, a súa imaxe foi exposta publicamente con todos os prexuízos persoais que iso implica. Aliás, subliña Muñoz, o web pode ocultar o recurso a arquivos policiais politicos para levar a termo a investigación.
Con datos de finais do 2016, a partir do web de delación foran abertos un centenar de procedemntos, dos cales, a metade acabaron en absolucións, un 25% estaba á espera de xuízo e o outro 25% resolvérase con sentenzas leves.
Gemma García
Fonte: La Directa