Concello de Ourense
07/04/2017

A Mesa pola Normalización Lingüística informa que o Concello de Ourense denegou a solicitude de colocación dun posto de recollida de sinaturas en apoio da ILP polos dereitos lingüísticos no ámbito socioeconómico. “En que prexudica a cidadanía unha mesa na rúa para se informar, e apoiar se quixer, unha ILP que contempla o recoñecemento dun dereito fundamental?”

Ler o artigo completo


A sentenza céntrase en cuestionar a vítima
07/04/2017

 A sentenza que absolve 4 gardas civis acusados de torturaren S.B., considera que «non foron suficientemente acreditadas» as pancadas, ameazas e vexacións sexuais que denunciou a bilbotarra após a súa detención incomunicada en 2010. O fallo céntrase en cuestionar o testemuño da denunciante e minimizar a importancia das peritaxes que certifican a verosimillanza do relato

Ler o artigo completo


"Non podía participar niso"
07/04/2017

Josu (nome fitício), cabo de bombeiros do Servizo de Extinción de Incendios da Deputación de Bizkaia, pode ser suspendido de emprego por se ter negado o 13 de febreiro a custodiar e supervisionar un cargamento de bombas con destino Arabia Saudita. Fíxoo por unha cuestión de obxección de conciencia: "Viñéronme á cabeza os continuos bombardeos a escolas e hospitais"

Ler o artigo completo


Por letras de varios temas
06/04/2017

A fiscalía da AN pede 2 anos de prisión para cada un dos 12 membros de La Insurgencia  polas letras de varios dos seus temas, que soben a un canal de Youtube que conta con 2.878 subscritores. A fiscalía considera que as súas cancións enxalzan a "organizacións terroristas de extrema esquerda". Outro membro do grupo, menor de idade, foi derivado ao xulgado especializado.

Ler o artigo completo


A base de instrucións opacas
06/04/2017

Os colectivos  ODS-Coia e G.A.S denuncian que Consellería de Política Social acosa persoas perceptoras da RISGA.  Citan o caso dunha muller que recibiu requirimento da Xunta en que se lle esixe acreditar que vive nunha vivenda independente á dos pais, ubicada no mesmo terreno, malia ter entregado hai meses o padrón municipal onde aparece numeración diferente para cada casa.

Ler o artigo completo


Sobre armamento e material de defensa
05/04/2017

A Comisión de Garantía do Dereito de Acceso á Información Pública (GAIP) estima a reclamación dun colaborador do xornal electrónico Directa que o pasado 02/01 materializou unha solicitude para obter información dacordo coa Lei de Transparencia e resolve que a Consellería d'Interior da Generalitat ten de aportar os datos dos contratos de adquisición de armamento e material de defensa.

Ler o artigo completo


Entre a ilegalidade e o ridículo
05/04/2017

 

 

Seguindo os pasos do seu antecesor, o ministro do Interior, Juan Ignacio Zoido, inclúe nas súas primeiras condecoracións a medalla do Mérito Policial ao Irmán Maior da Congregación de Mena de Málaga, ou sexa, a confraría do Cristo da Boa Morte, patrón da Lexión, cuxos membros protagonizan cada ano a procesión da Quinta-Feira na cidade andaluza.

Ler o artigo completo


Vigo e Coruña activarán "grupos locais"
04/04/2017

O ministro do Interior informou o pasado 3 de abril que as denuncias confidenciais, moitas anónimas, recibidas a través do programa Stop Radicalismos desde decembro de 2015 foron 3.179 e deron lugar a 63 investigacións policiais e da Garda Civil que derivaron 3 detencións. O seguinte paso será a activación de "grupos locais" de denunciantes en concellos como Vigo e Coruña.

Ler o artigo completo


Novo vídeo de EsCULcA
04/04/2017

En EsCULcA consideramos que non é posíbel exercer as liberdades civis e políticas cando as vidas e comunicacións da cidadania son sistematicamente vixiadas, rexistradas e controladas polo poder. Observamos con preocupación crescente como o Estado Español e a Unión Europea intensifican e afinan as medidas represivas e de controlo destinadas a intervir no mundo dixital.

Ler o artigo completo


após ano e medio de intensa campaña denigratoria
04/04/2017

En agosto de 2015, O.C.T., veciño de Narón, foi detido en medio dun impresionante operativo policial. Acusado dun delito de enaltecemento do terrorismo Xihadista e menosprezo ás suas vítimas, declarou perante o Xulgado Central de Instrución da AN. Ficou en liberdade con cargos e despois de ano e medio de persecución sen tregua foi absolvido polo Tribunal Supremo.

Ler o artigo completo