A actuaçom, iniciada por Baltasr Garzón Molina, filho do ex – magistrado e representante no procedimento, fundamenta-se segundo Garzón na alegada utilizaçom indevida do seu nome. Como é de público conhecimento, a web baltasargarzon.es é um repositorio de documentos e informaçons públicas que mostram em pormenor actuaçons ou omissons do ex magistrado que develam aspectos ocultos na biografia oficial de Garzón e a sua imagem da figura de defensor dos direitos humanos.
No web descrevem-se nomeadamente feitos de corrupçom, omissom de actuaçom em materia de tortura a persoas detidas e colaboraçom com governos recusados por violaçons de direitos humanos, o último deles, o Reino de Marrocos, umha informaçom que será publicada nos próximos dias.
Garzón, que é reconhecido por muitas estruturas mediáticas como um valor na liberdade de expressom (na Argentina foi galardoado polo actual director da Autoridade Federal de Serviços de Comunicaçom Áudio-visual), recorre agora a um mecanismo questionado polas associaçons de internautas, que permite a cancelaçom dum dominio web num procedimento acelerado sob o chamado “Plano Nacional de nomes de Dominios” da entidade pública espanhola Red.es, que regula a concessom de dominios da internet.es e pode suprimir ou expropriar um domínio sem demasiadas garantias.
Neste caso, o ex juiz argui que o dominio web baltasargarzon.es nom tem relaçom algumha com a sua persoa, o que é totalmente incerto, e solicita a sua eliminaçom. O web baltasargarzon.es recolhe investigaçons, dados, fontes e elaboraçons de diferentes persoas e colectivos vítimas de violaçons de direitos humanos vinculadas a actuaçons e omissons do ex juiz. Com diferença a outros webs com denominaçom similar que podem ser localizados com umha simples busca no Google, cuja eliminaçom nom procura Garzón, esta plataforma difunde contidos que revelam os pontos mais obscuros da sua carreira mediática e judicial. E é por isso que o juiz español procura que seja executado um claro acto de censura.
Este feito evidencia que a sua expulsom da carreira judicial nom modificou o rumo da sua longa trajectória de perseguiçom da liberdade de expressom com o encerramento de meios de comunicaçom incómodos para o poder ou assédio a jornalistas.
Perante a possibilidade de que finalmente o dominio baltasargarzon.es poda vir a ser encerrado, a plataforma já abriu um novo web: www.noagarzon.org, onde poderám ser consultadas as reportagens e informaçons que esclarecem bem o papel que desempenhou e pode vira inda a desempenhar este ex juiz repressor disfarçado de defensor dos Direitos Humanos.
Mais informaçom aqui.
