As tensións fronteirizas entre os gobernos do Reino de España e o de Marrocos aceleran o proceso da implementación de sistemas de control biométrico nas fronteiras de Ceuta e Melilla. Diante desta situación, colectivos anti-racistas sinalan o perigo que supoñen estas medidas e o seu carácter xenófobo.
Control de fronteras | 50 colectivos antirracistas denuncian las 'fronteras  inteligentes' en el sur de Europa - El Salto - Edición GeneralUn grupo de xovens marroquinos diríxese as naves do Tarajal. Á esquerda, a cerca que separa o reino de Marrocos do de España. Borja Abargues
.
No ano 2019, Maralaska anunciaba que o Ministerio do Interior gastaría 4,1 millóns de euros para a implementación de varios sistemas tecnolóxicos que reforzarían as fronteiras das cidades de Ceuta e Melilla. Na secuencia das tensións entre os gobernos dos reinos de España e Marrocos sobre os controis migratorios, en 2020 foi creada unha comisión inter-ministerial, que engloba Presidencia, Política Territorial, Interior, Asuntos Estranxeiros, Facenda, Sanidada e o CNI, para acelerar a implementación desta e outras medidas nos postos da fronteira entre ambos os estados.

O goberno de España súmase así á tendencia europea de coleta de datos biométricos nas súas fronteiras através do uso dos chamados sistemas de intelixencia artificial (IA), como cámaras de recoñecemento facial. Perante o avance deste proxecto, máis de 50 asociacións e colectivos anti-racistas que traballan na defensa dos dereitos humanos, entre os que están SOS Racismo, Centre Delàs, Oxfam e os Sindicatos de Manteiros de Madrid e Barcelona,  manifestan a súa seria preocupación.

“É un feito coñecido que os algoritmos de recoñecemento facial costuman producir falsos positivos e falsos negativos en rostos non caucásicos, o que, neste contexto concreto, podería supor graves consecuencias para persoas identificadas erradamente como sospeitosas de actos terroristas”, sinalan. Como acontece noutros aplicativos semellantes deste tipo de sistemas en espazos públicos, como nas estacións de autocares ou trens, todo o proceso carece de transparencia e auditabilidade.

Por estas razóns, as plataformas que suscriben o manifesto exixen a aplicación da lexislación elaborada polo Consello Europeo sobre a regulación da IA e a protección de datos, para que sexa aplicada tamén en contextos como o fronteirizo, que son unha excepción ao seren considerados ‘securitarios’. Peden así mesmo que, caso estes sistemas chegaren a ser aplicados, iso se faga coa debida información e o consentimento de quen é rexistrado por eles, para o que sería necesaria a incorporación sistemática de observadores dos dereitos humanos na fronteira.

Finalmente, alén de sistemas de auditorías e control estatal, demandan que os algoritmos que operan nestes sistemas sexan públicos para as organizacións da sociedade civil poderen tamén os analisar e investigar.

El Salto Diario