“A fatiga mental de Julian é enorme e ten que tratar co que é na esencia unha sentenza de morte”, sinalou Stella Moris.
Julian Assange foi revistado nu e transferido a unha cela vacía no mesmo día en que a ministra do Interior do Reino Unido, Priti Patel, aprobou a súa extradición aos EUA, dixo na pasada quinta-feira aos xornalistas a esposa do fundador do WikiLeaks, Stella Moris. Alí permaneceu durante un fin de semana inteiro. Entretanto os gardas da prisión de Belmarch (Londres) levaban a cabo unha inspección na súa cela permanente, detallou.
“A prisión é unha humillación constante, mais o que aconteceu na sexta-feira (17 de xuño) foi especialmente cruel”, denunciou Moris, que está casada con Assange desde marzo pasado. Por súa vez, a administración prisioinal asegura que o fixeron co fin de protexer o propio recluso e afirma que os gardas o informaron, recolle a axencia PA Media.
Segundo Moris, os funcionarios buscaban calquera obxecto que o prisioneiro puidese utilizar para tirar a vida. Na cela provisoria, relatou, os gardas verificaron cada hora o seu estado de saúde até lle permitiren regresar á súa cela orixinal na terça-feira 21.
Moris considera que ese tipo de trato non é tolerábel. “Calquera persoa o sentiría como degradante. A fadiga mental de Julian é enorme e ten que tratar con o que é na esencia unha sentenza de morte”, sostivo.
O fundador de WikiLeaks está na prisión de máxima seguranza de Belmarsh desde abril de 2019, cando os tribunais británicos se fixeron cargo de decidir sobre a extradición de Assange aos EUA.
Un xulgado rexeitou inicialmente a solicitude de extradición admitindo que Assange podería suicidarse ou sería obxecto dun trato inhumano no país norteamericano. Contodo, Washington apelou con éxito o fallo e ofreceu garantías a Londres de que serían respectados os seus dereitos.
No pasado 17 de xuño, a súa transferencia á custodia estadunidense foi validada pola ministra Priti Patel.