Todo este leque de avogados, xuristas, entidades e asociacións civis celebraron un acto este mediodia en Barcelona en defensa de Iñaki Rivera, un histórico da defensa dos dereitos humanos, sobretodo no sistema prisional. Rivera foi imputado por un delito de calumnias por ter comentado en Tot es mou, programa de TV3, os casos de tortura e irregularidades en prisións catalás. Os sindicatos CCOO e CSIF, posteriormente, interpuxeron unha querela que, de momento, lle abriu unha causa xudicial como investigado.
Con este obxectivo, advertiron que alén de se solidarizaren con Rivera, queren denunciar a criminalización dos defensores dos dereitos humanos e avanzaron que emprenderán campañas para mostrar á sociedade catalá cal é a situación en materia de dereitos humanos. Neste sentido, louvaron o labor de Rivera que defende dereitos que afectan terceiras persoas. Un cometido que, para David Bondia, prestixia a Universidade de Barcelona.