A policía borrifou os manifestantes, nomeadamente os desta organización, con gas pimenta, bateu neles con bastóns e detivo varias persoas por se negaren a retirar as súas bandeiras. A omesmo tempo, como mostran fotografías vídeos sob o hastag #b1001, había axentes que non levaban máscara. Os manifestantes tamén aseguraban que non podían manter as distancias de seguranza porque a policía nom os deixaba andar. Cando a manifestación por fin arrancou,  os participantes puoderon respectar o distanciamento.

Mais nesa altura xa había decenas de persoas detidas e, segundo testemuñas presenciais, outras tantas feridas, que tiveron de ser atendidas por ambulancias. Un vídeo captou o momento en que un dos axentes dé un pontapé, ao que parece no pescozo ou a cabeza dn manifestante. A policía de Berlín recibiu numerosas críticas nas redes sociais pola súa actuación. En maifestacións da extrema dereita e dos negacionistas os manifestantes pasaron horas xuntos sen máscaras, en tanto a policía se limitaba  a dicirlles unha e outra vez que tiñan que marcar a casa, e isto apesar de no pasado mes de agosto teren tentado asaltar o Bundestag.

Non admira pois que hai pouco teña sido fundada unha asociación chamada Policías polo esclarecemento que pon en causa as medidas de control da pandemia e as vacinas. Até o momento non foi posíbel medir a tendencia para a extrema dereita nos corpos de seguranza pois o MInistro do Interioir de Merkel recusou a autorización para unha investigación sobre o asunto, mais os últimos escándalos neste sentido delatan parte dos funcionarios.

Carmela Negrete

El Salto Diario