Segundo relata a associaçom Causa Galiza, na passada quinta-feira produziu-se umha “agressom fascista a um militante da nossa organizaçom por parte de 8-10 indivíduos na comarca de Trasancos”. Da violência da agressom som prova fidedigna as várias fraturas e fissuras ósseas de que tivo que ser atendido o ativista -F.J.M.- no serviço de urgências do Hospital de Ferrol, descritas no diagnóstico médico emitido no centro hospitalar.
Os feitos, indica Causa Galiza, tiverom lugar na noite da pasada quinta-feira, quando F.J.M., militante da organizaçom regressava à sua casa e foi assaltado e “brutalmente agredido” por um grupo de 8-10 indivíduos que lle provocarom “várias fraturas e fissuras ósseas na cabeça”. O diagnóstico médico “evidencia o selvagismo e a intencionalidade última dos agressores”, sublinha a organizaçom.
Causa Galiza anunciou que já interpujo denuncia xudicial e avançou que desenvolverá nos próximos dias as “iniciativas judiciais, informativas e propagandísticas necessárias para impedir que a açom criminosa deste grupo fascista fique impune e evitar a repetiçom de situaçons como as vividas nesta semana”.
