A Asociación Pro-Derechos Humanos de Nador denuncia que axentes marroquinos levan a cabo batidas masivas marcadas pola violencia en que apresan persoas que despois conducen directamente en autobuses á fronteira de Marrocos con Arxelia, apesar de moitas destas persoas estaren feridas. Non discriminan as persoas adultas das crianzas e mesmo bebés.
.
“Sen corazón nin consideración de ningún tipo para bebés e menores, 10 crianzas foron separadas da familia durante as detencións violentas en Nador e actualmente están en proceso de devolución. Non bus só lles deron pan e agua”, denuncia a asociación. “Así é o humanismo das autoridades marroquinas”, acrecenta.
En pleno debate sobre a retirada do arame farpado nas fronteiras de Ceuta e Melilla, agroman escenas tan crueis como estas. “Os migrantes subsaharianos son torturados en Nador polos xendrmes e as forzas auxiliares marroquinas. Nas detencións en vez de transportaren os migrantes feridos ao hospital, son reprimidos en pleno deserto coa súa lesión. “Que selvaxismo!”
As mulleres detidas tamén son devoltas ao interior de Marrocos, separadas dos seus maridos despois de sufriren violencia diversa por parte dos xendarmes e as forzas auxiliares.
A ONG documentou con fotografias todo o que está a acontecer e desvela que os xendarmes, as forzas auxiliares e axentes da autoridade atacaron os acampamentos e casas, arrrestando case 59 mulleres “con grande violencia” e cen homes. “Mulleres coas súas crianzas que foron separadas delas. Por qué separar con violencia as familias? Son políticas de vinganza gratuita”.
