Os xornais de Madrid poden abrir hoxe as primeiras páxinas coa imaxe dun garda civil rescatando un bebé no mar en Ceuta. Mais a realidade sobre o terreo parece ser outra. Antes de atender a El Nacional, Irina Samy atendeu uns mozos migrantes. Esta moza catalá, que traballa para a asociación No Name Kitchen, e as súas compañeiras “souberon de mozos que recibiron malleiras por parte da policía”. A ONG dedícase precisamente ao acompañamento xurídico de persoas migradas, mais esta semana, alén do seu traballo habitual, vense obrigadas a denunciar a violencia institucional. Que xa existía, mais que a chegada de 8.000 persoas expuxo en toda a súa magnitude. Unha vulneración sistemática de dereitos humanos. Tiveron que levar un mozo que as chamou ao hospital.
As organizacións non gobernamentais denuncian “moitísima tensión, moitísima violencia e moitísimo rexeitamento” durante os últimos días en Ceuta. En primeiro lugar, apunta Irina Samy, por como os gobernos español e marroquino “están a xogar coas vidas de persoas, cos seus proxectos vitais”. Mais tamén polo trato dispensado pola policía aos migrantes, violencia verbal e tamén física. E tamén contra menores, a quen inflixiron un trato degradante. Baten neles, ameázanos, arrástranos, non os deixan saír da auga (co risco de hipotermia que comporta). Pon o exemplo dun grupo de mozos subsaharianos que expulsaron onte. “Obrigábanos a ir en fila coa man no ombro do que ía diante, e se se despistaban, empurrábanos co escudo anti-disturbios, ameazábanos con porras”, denuncia a voluntaria, que asegura teren gravada a escena.
La caza del moro en Ceuta. Más allá de la estrategia de Marruecos, estos días veremos hasta donde tenemos interiorizado el relato de la 'invasión' que viene usando la ultraderecha desde los años 90. Veremos hasta donde llega la deshumanización de las familias que llegan del sur. pic.twitter.com/1zXHpsxLE8
— Miquel Ramos (@Miquel_R) May 18, 2021
Por iso estes mozos dormen e malviven en lugares escondidos, para que non os encontre a policía. Porque hai persecución e “cazadas” contra eles. “A policía vai con autobuses para levalos ás naves e despois deportarlos”, sinala un membro de No Name Kitchen. Nin sequera lles dan acceso aos centros de menores, onde terían que ser acollidos. “Prefiren esconderse, para que a policía non os encontre e os meta en autobuses, malle neles ou o que queiran, porque pola noite non hai ninguén na rúa e poden facer o que queiran”, insiste.
Outra práctica que viola os dereitos humanos máis esenciais son as devolucións en quente. Criticounas o mesmo Pedro Sánchez cando o PSOE estaba na oposición, mais en pouco máis de 48 horas xa devolveu” pola vía express máis de 5.600 persoas a Marrocos. Esta cuarta feira voltaron a repetirse estas escenas, con migrantes que chegaban nadando, en condicións pésimas e afogando na praia do Tarajal. Unha vez mínimanente recuperados, eran reconducidos por policías ou militares á fronteira e perdíase o rastro deles.
Miembros del ejército golpeando con porras a personas que estaban en un espigón de Ceuta‼️
Las han empujado de manera peligrosa y contraria a los protocolos de uso de la fuerza.
Exigimos la retirada del ejército y su sustitución por agentes policiales.pic.twitter.com/zgZ6y0GRmT
— IRIDIA (@centre_IRIDIA) May 19, 2021
“Son persoas diferentes, con historias diferentes, mais parece que non importa”, asegura Irina Samy. “É certo que algúns marcharon voluntariamente, mais houbo moitas devolucións en quente”, engade a voluntaria. Pregúntase “como o xustificará a Unión Europea, porque acabará xustificando, cando son devolucións en quente, prohibidas pola lexislación internacional”. Lembra que, cando unha persoa pide asilo, ten que poder ficar en tanto ese requeremento é tramitado. Mais simplesmente ningúen os informa nin dos seus dereitos nin desta posibilidade. Está convencida de que tamén se produciron moitas devolucións en quente de menores, porque “practicamente a metade” dos 8.000 migrantes que tiñan menos de 18 anos.
Non Name Kitchen dedícase sobre todo ao acompañamento xurídico de persoas que queren tentar chegar á Península, que queren empadroarse ou facer calquera trámite. Non só é a situación destes días, senón a que arrastran de hai moito tempo. Toparon con moitas persoas que hai tempo que son indocumentadas, tamén familias con crianzas nacidas en Ceuta, que non poden legalizar a súa situación porque os trámites son “imposibeis”.
A presenza do Exército non achegou absolutamente nada, só “intimidar, intimidar e lanzar gases lacrimóxenos”. Desde as organizacións están á esperara de que sexan coñecidos máis pormenores do que pasou realmente estes días. “Probabelmente non sabemos aínda todos os dereitos que están sendo vulnerados”, conclúe Irina Samy.
“Moito desespero e bágoas”
Representantes da Cruz Vermella, que está en primeira liña de atención das persoas que chegan desde Marrocos, poñen rostro humano ao que está a acontecer. A súa porta-voz en Ceuta, Isa Brasero, relata que, alén das feridas físicas, atoparon “moito desespero, moitas bágoas e moita gratitude cara a nós”. Constata como esta vez chegaron moitos menores de idade. “Talvez é a nota característica desta entrada. Nesta ocasión viñeron moitísimos máis menores e núcleos familiares enteiros”, detalla Brasero. Tamén había moitos bebés e grupos de menores que viñan xuntos e sós, sen adultos.
Nicolas Tomás