O julgado de instruçom número dous de Betanços abriu diligências prévias con base na denúncia de P.E.G., preso no cárcere de Teixeiro, em que descrevía como tinha sido agredido por funcionários no módulo de isolamento do citado penal no 24 de novembro de 2018. Como primeira diligência , o julgado acordou tomar declaraçom a P.E.G. e fazer-lhe oferecimento das açons como perjudicado.

Como é norma nestes casos, os funcionários denunciados logo apresentarom contra-denúncia contra o interno apesar de a veracidade do relato de P.E.G. ter ficado plenamente confirmada polas sequelas físicas deixadas polas malheiras a que foi submetido, ainda bem visíveis dias despois.

O próximo dia 8 terá lugar nos Julgados da Corunha, às 11:30 horas, o juízo pola denúncia dos funcionários. Para mostrar o apoio a P.E.G, que leva já 25 anos no cárcere, muitos deles em regime de isolamento, apesar de nom ter cometido delitos de sangue e sofrer cancro de laringe, foi convocada umha concentraçom às portas destes Julgados (Rua Monforte).

Máis información sobre a situación que vive P.E.G. no penal de Teixiero: aquí, aquí, aquí.e aquí.