Esperan a chegada dunha delegación dos pobos indíxenas de Chiapas a bordo do buque ‘La Montaña’, que partiu no mes de maio desde as
.
Representantes zapatistas de toda Galicia e de distintas partes de España e de Europa reuníronse este domingo no Porto de Vigo nunha xornada de convivencia internacional, á espera da chegada nas próximas horas dunha delegación dos pobos indíxenas de Chiapas a bordo do buque ‘La Montaña’, que partiu xa no mes de maio desde as costas mexicanas.
En calquera caso, en Vigo están xa delegacións zapatistas chegadas doutras comunidades e de países como Portugal, Suíza, Alemaña, Suecia, Italia, Grecia, Marrocos, Brasil, Colombia, República Checa e Irán para dar inicio a unha xornada de “convivencia e solidariedade internacional”.
A asemblea galega de Xira pola Vida, que xa o venres protagonizaron unha concentración na Praza do Rei de Vigo, recalcan a importancia desta iniciativa na que ven “un agasallo”: “Fíxonos soñar e deunos impulso para seguir fortalecendo a loita, a unidade, para berrar que temos que construír un mundo diferente”.
“Esperamos que a chegada dos compañeiros zapatistas funcione como unha inxección de enerxía que nos permita fortalecernos, avanzar nas loitas sociais e na construción doutro mundo, un mundo solidario onde caiban moitos mundos“, inciden nun comunicado.
Segundo adiantaron xa o venres, o ‘Escuadrón 421’ será recibido á súa chegada á cidade con música de gaitas e cunha ‘batukada’, e haberá un espazo para que poidan dirixirse á xente e explicar a súa experiencia.
“O navío fondeou na baía de Baiona, Galiza, Estado Español, Europa. De aí queda perto, “a tiro de pedra”, a xeografía chamada Portugal, e un pouco ao norte avístase Vigo. Todas ben de saúde. Por cuestións de papeleo e etcétera,’LaA Montaña’ e o Escuadrón 421 permanecerán aquí até, tentativamente, o día terza feira 22 ás 17 horas –data e hora de Vigo-, en que se fará o desembarco. A Garda Civil do Estado Español abordou a nave, tomou os datos da tripulación e pasaxeiros, revisou os pasaportes e realizou o recoñecemento de rutina. Sen novidade. Condicións climatolóxicas: nubrado, choivas lixeiras pero frecuentes, 15 graos centígrados”.
Esta é entrada do domingo pola tarde en ‘Enlace zapatista’, o caderno de bitácora da delegación zapatista que viaxa desde principios de maio a bordo do veleiro rebelde ‘La Montaña’, anunciaba que os zapatistas xa están na Galiza. “Fóra vai frío, mais dentro, na xeografía do corazón, algo como un sentimento entibia a alma”, anotaban nse caderno para agradecer a recibida que se lles estaban brindando desde terra, onde ducias de solidarios saudaban a chegada da nave.