DETECTAN FALTA DE IMPARCIALIDADE OBXECTIVA DO TRIBUNAL

ITW: a actitude de Marchena co Major Trapero podería prexudicalo en Estrasburgo

18/03/2019

Os membros da equipa internacional de observación (International Trial Watch) denuncian reiteradas vulneracións do dereito de defensa no xulgamento contra o procés. Nun novo relatorio, avisan o maxistrado Manuel Marchena que a súa actitude co MajorTrapero podería prexudicalo cando o caso chegue ao Tribunal Europeo dos Dereitos Humanos (TEDH). Tamén lamentan que o xuiz limite ás defensas ‘a posibilidade de interrogar ou repreguntar a testemuñas propostas por outras partes’, mais que, ao tempo, el mesmo faga uso da lei de axuizamento criminal para interrogar directamente as testemuñas. Segundo os membros da equipa da última semana, iso pode ser un indicio de falta de imparcialidade obxectiva do tribunal, tal como recolle a doutrina do TEDH sobre o artigo 6 do Convenio Europeo dos Dereitos Humanos.
Observadors internacionals

 

 

Tamén critican a planificación das sesións, por canto algunhas ultrapasan as dez horas e outras duran pouco máis de vinte minutos. “Advírtese, tamén, que a orde das testemuñas non permite concentrar o exame dos diferentes delitos imputados pola acusación’, acrecentan. Neste sentido, denuncian as afectacións para o xulgamento do feito de dous membros do tribunal formaren parte da xunta electoral española.

Por outra parte, sinalan que nas últimas sesións a procuradoría utilizou material da causa do xulgado de instrución núm. 12 de Barcelona, sen que as defensas tivesen acceso a ese material, o que podería constituir unha vulneración do dereito de igualdade de armas. Noutro sentido, critican que diversos tribunais xulguen e investiguen os mesmos feitos, en referencia ás causas abertas no Supremo, na Audiencia española, no TSJC e no xulgado de instrución 13.

 

 

O relatorio pode ser consultado aquí:

VilaWeb