Unha menina palestina que participaba nunha manifestación contra a práctica do exército israelita de demolir vivendas, foi espancada e presa por un grupo de militares sionistas na pasada quinta feira na aldea de Al-Atrash, no deserto do Naqab (Néguev en hebraico), no sul dos territorios ocupados.
No protesto participaron máis de 2000 persoas que denunciaban o proxecto de Israel de despaxar violentamente as familias palestinas. As forzas sionistas reprimiron violentamente a manifestación usando gases lacrimoxéneos, gas pementa e bolas de metal recubertas de goma, o que causou feridas graves e asfixia a decenas de manifestantes.
Alén desta menina, tamén foron presas polo exército ocupante moitas outras persoas que participaban na manifestación..
