No 20 de marzo, pola tarde, Félix Moreno Berloz,de 39 anos e con moitos anos de cárcere nas costas, estaba nervoso. Falou cun seu compañeiro e combinaron que un deles iria á cela do outro para Félix non ficar só. Foron falar co garda do módulo para que autorizase a mudanza, mais este negouse rotundamente. Discutiron e o resultado foi que Félix foi transferido ao módulo de confinamento solitario por un grupo de funcionarios. Alxemado nas costas. Pola noite estaba morto.
Ninguén sabe con certeza o que aconteceu na cela en que Félix Moreno Berloz foi encerrado. A familia recibiu unha chamada telefónica do presidio en que se lle comunicou que se enforcara na cela de isolamento.
Aos seus compañeiros de módulo dixéronlles primeiro que tentara cortar a garganta, despois que se esganara, mais que -ainda vivo- o levaran de urxencia ao hospital e alí morrera.
Ningún medio de comunicación deu noticia e, segundo parece, o corpo foi logo incinerado.
Ninguén acredita na versión do aforcamento de Félix e un dos seus compañeiros foi encerrado tamén en confinamento solitario e ameazado por acusar os funcionarios da súa morte.
Con coronavirus ou sen coronavirus, o cárcere continúa matando.