Comunicado Público

Nós, os tres comuneros que levamos 99 días en greve de fame, desde o cárcere de Angol queremos comunicar ao pobo Nación Mapuche e á comunidade Chilena e Internacional o seguinte:

Ante a insensibilidade e ouvidos moucos das autoridades políticas e xudiciarias deste país aos nosos pedidos, anunciamos que imos tornar máis rigorosa a nosa medida para sermos escoitados e que daremos inicio a unha greve de fame seca a partir das 8 da mañá do día 10 de marzo co único fin de que sexan atendidas as nosas reivindicacións, que son as seguintes:

1.- Pedimos xuízos xustos, dereito a que sexan valoradas a nosas probas e argumentos e eliminadas as probas falsas e os falsos testemuños baeados en preconceptos e racismo.

2.- Que sexa respectado o noso dereito como mapuches a sermos considerados comuneros, independentemente do módulo onde estivermos recluídos, respectando a nosa cultura, outorgándonos os dereitos que nos recoñece a Lei e os tratados internacionais no tocante a visitas e as cousas e alimentos que podan facernos chegar os nosos familiares. Que sexa respectada a nosa cultura e prácticas médicas, permitindo que nos visite o noso machi.