Convocatória

Embora alguém poda pensar que no cartaz da convocatória foi utiizada umha imagem modificada com a intençom de ridicularizar os responsáveis das instituiçons que pagam a fatura, temos que sinalar que nada mais longe disso. Bem ao contrário, movidos mui provavelmente polo ânimo de festejar o início dos trabalhos de instalaçom de tam polémica figura, as autoridades políticas subirom de pópria vontade ao camiom que transportava umha das peças da colosal estátua e, ao que parece, figerom-nos com alegria. Sem que lhes importe que a tantas vezes exaltada C.E. lhes negue a possibilidade de participarem na súa condiçom de representantes públicos em actos religiosos, nem se sentirem atingidos polas numerosas críticas recebidas pola decisom de instalar tam controversa imagem num local privilegiado da cidade. Para nada dizermos dos gastos que a tal instalaçom acarreta nem entrarmos a julgar os aspectos estéticos da mole.

Ora, o que em modo algum se pode obviar, é a indiferença que mostram estas autoridades político-religiosas ao significado moral desta figura por tantas razons controversa. Lembremos as palavras que deixou o professor e historiador Lucio Martínez Pereda, que conduzirá a charla-colóquio do dia 11, no seu artigo “Volve o nacionalcatolicismo?”.

Dende que o grupo terrorista ultradereitista Guerrilleros de Cristo Rey comezase a usar a mediados dos anos 70 do XX o grito simbólico de Viva Cristo Rey, o SCX converteuse nunha referencia nos ambientes da extrema dereita. Entre a actual cúpula da Igrexa católica, as asociacións seglares e os grupos de extrema dereita, xurdiu unha comunidade de intereses compartidos que nos leva a recuperar as tradicións nacionalcatólicas como vía de acción política, e atoparon na renovación do culto ó Sagrado Corazón un medio para conseguir este obxectivo.