As entidades precisan que todas as actuacións policiais desproporcionadas e ilícitas que se analisan nesta nova pericial tiveron lugar o 1 de outubro do 2017 en 16 puntos de votación da cidade de Barcelona. Son: Escola Mediterrània, IES Pau Claris, Escola Pia Sant Antoni, IES Ramon Llull, IES Joan Fuster, Centre Educatiu Projecte, Escola Infant Jesús, Dolors Monserdà, IES Santa Caterina de Siena, Àgora, Mare Nostrum, Escola Prosperitat, Escola Víctor Català, IES Joan Boscà, CAP Guinardó e CEIP Els Horts.
Ao mesmo tempo, as tres acusacións reclaman unha nova prolongamento de 6 meses da instrución do caso para practicaren dilixencias pendentes de investigación e resolveren as que poidan decorrer das novas imputacións de axentes da Policía Nacional. O última prolongamento da investigación fixaba o fin da instrución para este 29 de xaneiro de 2022.
A codirectora de Irídia, Anaïs Franquesa, afirmou que coa proba pericial audiovisual presentada “Òmnium, Irídia e ANC fixeron un esforzo titánico para delimitar as condutas delituosas dos axentes policiais e acharon máis de 400 condutas delituosas”. Franquesa engadiu que “a instrución foi promovida polas acusacións” e denunciou “a actitude mesmo de obstrución do ministerio público e do propio corpo de policía”. Concluíu: “Estamos na recta final e esperamos que o xulgamento poda ser celebrado logo”.
O maxistrado Francesc Miralles tiña que decidir se abría dúas causas. Unha con Roger Español, vítima que perdeu un ollo polo impacto dunha bola de goma dun escopeteiro da policía española, e que é tamén acusado polos axentes, e outra con todos os policías españois por vulneración de dereitos dos cidadáns.
