Un preso da penitenciaria de Topas (Salamanca) apareceu morto na pasada quinta-feira. O achado produciuse pola mañá e, segundo fontes oficiais, á espera dos resultados da autopsia, parece que o falecemento puido ser debido ao consumo dalgunha substancia.
Na cela non apareceron sinais de violencia, polo que foi descartada a intervención doutras persoas.
As mortes por consumo de drogas ou inxestión excesiva de medicamentos é un problema ao que Institucións Penitenciarias non dá solución. Como xa foi reiteradamente denunciado, a entrega de doses de medicamentos correspondentes a varios dias por falta de persoal sanitario suficiente para realizar entregas diarias, leva causado un número elevado de mortes nos cárceres do Reino de España.