Pallasos en Rebeldía e Palestina.Gal instalarán pasado mañá, día 14, en Compostela o Check Point Clown, nun acto reivindicativo en que tomarán parte o mago Dani García e o pallaso Jano sen Medidas. Tamén participarán representantes da comunidade palestina na Galiza que informarán sobre a situación que se vive nestes momentos no seu país. O acto terá lugar na rúa San Pedro a partir das sete da tarde.