O activista enfrenta unha pena de catro anos e medio de prisión por publicar imaxes da comisión que procedeu ao despexo dunha familia dunha vivenda de Guadalajara, sen lle ofrecer alternativa habitacional.
.
.
Os feitos aconteceron o 26 de marco de 2019, cando unha comisión xudicial acudiu rodeada de axentes da Policía Local e a Policía Nacional a desaloxar unha vivenda en ruinas situada nun bloco de apartamentos do bairro do Alamín, propriedade da sociedade católica San Vicente de Paúl.
O despexo foi levado a cabo de sorpresa e sen notificación previa á familia, á que case non deron tempo de recoller os poucos utensilios que gardaban na vivenda. Tampouco se lles ofreceu alternativa habitacional.
Aos poucos dias, o Xulgado de Instrución número un de Guadalajara ordenou como medida cautelar a retirada de todas as fotografías relacionadas co desaloxo, ao ver un posíbel delito de revelación de segredos e outro de inxurias con publicidade.
🔴 ¿Estás dispuesto a ir PRESO por una FOTO?
⛔️ A Diego le piden 4.5 años de prisión por fotografiar a la Comisión Judicial ejecutando el desahucio de 1 familia con un recién nacido
📣 Este 9 de diciembre no sólo juzgan a Diego, JUZGAN EL DERECHO A LA INFORMACIÓN#NoInformaras pic.twitter.com/i8048HLDl0
— Plataforma Antirrepresiva de Guadalajara (PAG) (@AntirepresivaGu) December 1, 2021
A maxistrada que ditou o auto, Cristina Guerra Pérez, tamén esixía aos actores implicados abstérense de realizar novos comentarios sobre o despexo, e ameazaba coa imputación dun delito de desobediencia caso reincidiren.
No entanto, o afectado móstrase pesimista con que o Goberno ou as Cortes cumpran coa data límite, apesar de a Unión Europea poder impor sancións millonarias ao estado español caso non o facer. “España non ten ningún interese en incorporar ese dereito porque continúa protexendo quen abusa”, defende o activista.
