A Irmandade Xurídica Galega presenta a Resolución do Tribunal Superior do Land de Schleswig-Holstein, de data de 5 de abril de 2018, sobre a Orde europea de entrega de Carles Puigdemont, no marco do proceso catalán, en tradución para o galego de Marta García Mosquera, Profesora Contratada Doutora de Dereito Penal da Universidade de Vigo e Xosé Manuel Pacho Blanco, Doutor en Dereito e Profesor de Filosofía do Dereito da Universidade de Vigo e Avogado en exercicio.
Na súa Resolución, o Tribunal alemán acorda que non procede a entrega polo delito de rebelión, e require información complementar ás autoridades españolas para unha decisión definitiva no que se refire á entrega polo delito de malversación de caudais públicos.
Fonte: Irmandade Xurídica Galega