O Consello Xeral do Poder Xudiciario Español (CXPX) emitiu un comunicado en que acusa o Consello de Europa de menosprezar os principios de legalidade, separación de poderes, independencia xudicial e igualdade na aplicación da lei, en referencia ao seu demolidor relatorio sobre o estado español . Neste documento, a institución europea esixe que se poña fin á represión contra o independentismo. O CXPX recusa aplicar ningunha das recomendacións do pleno do Consello, e di “deplorar que o Consello de Europa, que ten como obxectivo declarado […] a defensa, protección e promoción do estado de dereito, teña aprobado un relatorio con recomendacións dirixidas ao xuíces españois”.
O relatorio aprobado polo Consello de Europa di que “un cantos políticos cataláns de alto rango foron procesados e condenados a longas penas de cárcere por sedición e outros delitos, entre outras razóns, por declaracións feitas no exercicio dos seus mandatos políticos”. O órgao xudicial español responde asegurando que o xulgamento foi público e “con todas as garantías procesuais por delitos de sedición e de malversación de caudais públicos”. “As condenas en ningún caso foron impostas pola expresión de opinións, tal como sinalou o Tribunal Supremo na súa sentenza”, di o CXPX. Por iso, conclúe brevemente, é igualmente contraditorio pretender que a xustiza española anule as euro-ordes para os exilados.
https://www.elnacional.cat/uploads/static/pdf.js/web/images/texture.png
