O colectivo Dereitos Civis lanza unha campaña para arrecadar 500€ que serán destinados a recorrer a sanción imposta a un siareiro do Ponteveddra que exhibiu unha estreleira no estadio do Pasarón. Os funcionarios policiais afirmaron que a exhibición da bandeira provocara unha reacción negativa no Rácing de Ferrol. No entanto, seareiros deste equipo manifestaron que iso non era verdade e cualificaron a sanción de represión
A Comisión Permanente da Comisión Estatal contra a Violencia, o Racismo, a Xenofobia e a Intolerancia no Deporte acordou na súa reunión do día 22 de febreiro reprobar a conduta dun siareiro que despregou unha bandeira galega coa estrela independentista no choque ante o Racing de Ferrol “creando entre os seguidores do equipo contrario unha gran axitación e alteración”.
Por ese motivo propuxo para el unha sanción económica de carácter leve de 500 euros e a prohibición de acceder a un recinto deportivo durante 3 meses.
As estreleiras, bandeira usada por siareiras de diferentes clubes, son continuamente expulsadas dos estadios deportivos sen que exista unha normativa que a prohiba.
Fonte: Dereitos Civis