Alternativa Sindical de Policía (ASP) denunciou perante a Procuradoría supostas irregularidades da Universidade Rey Juan Carlos relacionadas cun curso “en liña” de Criminoloxía dun ano de duración e 60 créditos. Segundo o sindicato 200 xefes policiais obtiveron, tamén supostamente, por esta vía o ‘grao universitario’ requirido para accederen a postos de alto nivel A1 na administración- previo pago duns 3.000 euros.

Estes estudos consistían nun único curso anual de 60 créditos (fronte aos 4 ou 5 anos dunha licenciatura do nivel equivalente) e con el 200 mandos policiais terían obtido o título de grao universitario ‘requirido para acceder a postos de alto nivel A1 na administración’, previo pagamento, iso si, duns 3.000 euros.

“Supostamente, os feitos que se expoñen e cuxa investigación se insta, foron cometidos pola Universidade Rey Juan Carlos de Móstoles e a Dirección Xeral da Policía, consistentes na creación dun curso en liña, limitado no que á súa duración e créditos di respecto, co único obxecto de que os integrantes das Escalas Superiores da Policía, Inspectores e Comisarios obtivesen, posteriormente de maneira supostamente fraudulenta, unha titulación suficiente e necesaria para ascenderen aos máis altos cargos da Administración policial. Recentemente desapareceu da oferta formativa porque o Ministerio de Educación ‘puxo en dúbida’ o seu escaso contido curricular e duración para un grao universitario”, explica o sindicato nas redes sociais.

Fonte: Diariocrítico