Familiares de Boudebala declararon que na noite anterior, o falecido sofrera feridas por causa da intervención de axentes antidusturbios que custodiaban os internos no decurso dun incidente. Nas redes sociais comezaron a proliferar as imaxes enviadas por internos que mostran a forte represión policial, ainda que en ningún caso fica claro que o falecido sexa algunha das persoas espancadas.

 

Nas diferentes concentracións convocadas ao longo do sábado, leuse un manifesto que denuncia a morte d eBouderbala como “un asasinato máis produto do racismo institucional que supón unha política migratoria baseada no encerramento e a deportación”. O manifesto tamén lembra que con esta som xa sete as persoas falecidas en dependencias de encerramento e transferencia forzada. “Sete vidas cuxa custodia e responsabilidade recaía sobre o Estado”, conclúe.

Por outro lado, o sábado tamén foi feita pública a posta en liberdade de dous requerentes de asilo, unha posta en liberdade que tivo de ser solicitada perante a Audiencia Nacional polo incumprimento dos prazos de resolución. “A Administración ten un prazo de catro días para responder a solicitude de asilo e estas chegaron fora de prazo. Perante a negativa da revisión con carácter ordinario destas solicitudes, tivemos de recorrer á Audiencia Nacional, que finalmente nos deu a razón”, expón Fran Mata, avogado de turno de oficiio do colexio de Antequera.

Fonte: El Salto