A Garda Civil detivo en Gandia unha persoa de 59 anos que desde 2018 divulgaba nas redes sociais comentarios que ‘incitan ao odio’ dirixidos a institucións representativas do estado español como a monarquía, o poder xudiciario e as forzas e corpos de seguranza do estado. Segundo a Garda Civil, as mensaxes ‘incitaban ao odio e fomentaban actitudes violentas’, de maneira que o detido podería ser acusado de delitos de odio e de inxurias á coroa.
Así mesmo, a policía identificou e investiga 36 publicacións, a maioría delas dirixidas á casa real española e os seus membros. O operativo contra o detido foi levado a cabo pola sección de información da zona de Valencia e a investigación estivo dirixida polo xulgado de instrución número 2 de Gandia.
