Un tribunal turco condenou hai uns días o cantor kurdo Veysi Ermiş a un ano e medio de prisión por usar as palabras “Kurdistán” e “guerrilla” nunha canción, segundo informou Nationalia. Ankara tamén detivo o músico sirio Omar Souleyman, ao que acusa de vínculos co PKK.
Un tribunal turco condenou hai uns días o cantante kurdo Veysi Ermiş a un ano e medio de prisión por usar as palabras “Kurdistán” e “guerrilla” nunha canción, segundo inforumou Nationalia.
Souleyman
Alén desta detención, a policía turca tambén detivo na cidade de Urfa o músico árabe sirio Omar Souleyman acusado de manter vínculos coas YPG, a milicia kurda de Siria próxima ao PKK. Souleyman vive en Turquía desde 2011.
A axencia turca IHA vincula a detención con declaracións “hai uns anos na Alemaña” en que Souleyman eloxiou o PKK e o líder e fundador da organización, Abdullah Öcalan.
Irónicamente, a mesma axencia publicou en 2019 un relatorio sobre Souleyman en que destacaba que o músico abrira unha panadería en Urfa onde repartía pan gratuíto aos refuxiados que, segundo os medios, “fuxiran da persecución das organizacións terroristas Daesh e PKK/YPG”.
O axente do cantor, contodo, di que Souleyman está a ser interrogado sobre unha viaxe que supostamente fixo a zonas controladas polas YPG de Siria, e confía en que sexa liberado axiña.