“Acabam de comunicar-nos a resoluçom do recurso que tínhamos interposto contra a condena de três meses de prisom polo escrache ao homofobo Domingo Neira. Antia e Mario fomos absoltas !! Queremos agradecer a solidariedade de todas as que vos preocupastes por nós, nos próximos dias daremos mais informaçom. Seguimos na luita !”. Con esta concisa mensaxe nas redes sociais, os dous estudantes condenados a 3 meses de prisión cada un pola protesta contra ese docente.

No passado mes de março, a A. e M. fora-lhes imposta umha condena de três meses de cárcere por “desordes públicas” enquanto um terceiro estudante, A., foi absolvido.  A causa? um escracho contra a “homofobia” de Domingo Neira, professor da USC. O Comité pola Absolviçom de A., M. e M. calificara no seu dia a resoluçom de “injusta” e anunciara que seria recorrida.

O protesto estudantil foi provocado pola decisom da USC de readmitir o polémico professor, docente de Ciências da Educaçom, acusado e denunciado em diversas ocasions por manter um ‘discurso de ódio’ contra as persoas homossexuais. De facto, a própria Universidade afastara-o das aulas durante o curso 2013/2014, mas em 2015 permitira-lhe exercer novamente a docência, embora num lugar diferente.

“A homossexualidade é contagiosa”

Neira chegou a assegurar nas aulas que “a homossexualidade é contagiosa”, que “os homossexuais carecem de hombridade e nom podem educar” ou que “as lésbicas tenhem um cromossoma XXX que explica o seu comportamento ‘nom normal'”.

Fonte: Sermos Galiza